Nuddstofa

Um okkur

Katrín Hanna

Ég heiti Katrín og er menntaður heilsunuddari frá heilsunuddbraut FÁ. Auk þess hef ég lokið fjögurra ára BS námi í líffræði með áherslu á mannslíkamann í Elon University Norður Karólínu í Bandaríkjunum þar sem ég var á íþróttastyrk sem markvörður í fótbolta.
Ég hef mikinn áhuga á mannslíkamanum og heilsu og ástríðu fyrir því að hjálpa fólki. Eftir námið í Bandaríkjunum fann ég að ég vildi vinna meira með höndunum og heillaðist algjörlega af nuddinu. Ég vinn með það sem ég hef lært í líffræðinni og úr flottu nuddnámi FÁ. Í FÁ er okkur kennt mismunandi nuddaðferðir sem ég vinn mikið með í bland eftir því sem hver og einn einstaklingur þarf á að halda.
Eftirfarandi eru meðferðir ég býð upp á:

• Klassískt nudd
• Vefjalosun
• Trigger punktar
• Höfuðbeina og spjaldhryggjameðferð I
• Sogæðanudd
• Íþróttanudd
• Svæðanudd
• Shiatsu
• Heildrænt nudd

Bókun í nudd hjá mér fer í gegnum Noona appið þar sem hægt er að finna mig undir Nuddstofa Lumen. Lumen er latína sem táknar uppljómun en stendur einnig fyrir innri rýmum líkamans svo sem æða-, sogæða- og meltingarkerfinu. Nafnið Lumen er því blanda af áhuga mínum að geta hjálpað fólki og varpa ljósi á þarfir hvers nuddþega, auk þess að lýsa mínum líffræðilegum nördaskap.

Ýttu á bóka tíma hér fyrir neðan til að hefja bókunarferlið.

Birna Kristel

Ég er menntaður ÍAK einkaþjálfari frá Keili (2020) og lauk sama ár námi sem Sleep Specialist frá NFE. Á árunum 2021–2022 stundaði ég nám í sjúkraþjálfunarfræði við CEU San Pablo Universidad á Spáni, þar sem ég kynntist nuddmeðferðum og hef starfað við nudd síðastliðin fjögur ár.

Árið 2024 útskrifaðist ég sem KCR meðferðaraðili (Kinetic Chain Release) og er nú í námi til nuddara sem ég mun ljúka vorið 2027.

Ég vinn aðallega með íþróttafólki og einstaklingum með stoðkerfisvandamál eða meiðsli, með það að markmiði að bæta hreyfigetu, draga úr verkjum og styðja líkamann í bata og enduruppbyggingu.

Í meðferðum mínum legg ég áherslu á heildræna nálgun og vinn sérstaklega með:
• vefjalosun (fascia)
• íþróttanudd
• triggerpunkta
• djúpvefjanudd
• svæðisbundnar meðferðir eftir þörfum

Ég hef sjálf stundað íþróttir í mörg ár og æfi í dag hlaup og CrossFit. Sú reynsla hjálpar mér að skilja betur álag, endurheimt og þarfir líkamans.

Samhliða starfi mínu starfa ég sem fimleikaþjálfari hjá Fimleikaakademíu Keflavíkur, þar sem ég þjálfa börn með sérþarfir.
Markmið mitt er að veita faglega og einstaklingsmiðaða meðferð og vera hluti af vegferð fólks að bættri heilsu, meiri hreyfigetu og betri líðan.